Ғылыми кітапхана қызметкерлері Назарбаев Университеті кітапханасының Кітапханалық Технологиялар мектебі ұйымдастырған екі күндік «Ақпаратты ұйымдастырудың заманауи халықаралық принциптері мен стандарттарын енгізу тәжірибесі. Деректерді басқару» атты онлайн-семинарына қатысты. Семинар жұмысына Қазақстан мен Орталық Азия жоғары оқу орындарының кітапханашылары кәсіби компетенцияларын арттыруға және кітапханалардағы ақпараттық ресурстарды басқару саласындағы жаңалықтармен танысу үшін қатысты. Онлайн-семинарға қатысушылар сандық жинақтарды каталогтау мен басқарудың халықаралық стандарттарын енгізу тәжірибесі, сондай-ақ метадеректер саласындағы жобалар деген тақырыптармен танысты. Латвия, Литва, Ресей, Украина және Қазақстан кітапханаларының мысалында COVID-19 контекстінде ақпаратты ұйымдастыру туралы тәжірибелермен танысты. Тыңдаушылар онлайн-семинарға қатысу сертификаттарымен марапатталады.