Құрметті оқытушылар мен студенттер!
Ғылыми кітапхана сіздердің назарларыңызға «Білімнен - тәжірибеге, тәжірибеден - шеберлікке» атты психология ғылымы бойынша кітап, мерзімді басылымдар көрмесін ұсынады.
Психология – бұл ақыл мен мінез – құлықты зерттейтін ғылым. Психологияны тереңірек түсіну адамдарға өз іс – әрекеттері туралы түсінікке қол жеткізуге және басқа адамдарды жақсы түсінуге көмектеседі.
Бүгінгі күні психологтар адамның ойлануы мен түсінуіне жаңа білім қосып, күнделікті өмірде маңызды әсер ететін практикалық тәжірибелерді дамыта отырып, адамның ақыл – ойы мен мінез құлқының жаңа жақтарын түсінуге тырысады.
Сіздердің назарларыңызға психология ғылымы бойынша отандық, ресейлік және алыс шетел психологтарының ең танымал басылымдарын, біздің оқытушыларымыздың ғылыми жұмыстарын, сондай–ақ мерзімді басылымдар көрмесін ұсынып отырмыз.
Бұл көрме тек осы ғылымды зерттейтін оқытушылар мен студенттерге ғана емес, сонымен қатар психология мәселелеріне қызығушылық танытатын және өзін – өзі жеке тұлға ретінде тануға тырысатын барлық адамдарға қызықты болады деген сенімдеміз.
Сіздерді № 1 корпустың №102 аудиториясы, мерзімді басылымдар оқу залында күтеміз!