7 қазанда Халықаралық қарттар күнін атап өту аясында Ғылыми кітапхана университеттің волонтерларымен қосылып, дәстүрлі болып кеткен жыл сайынғы «Мейірім» акциясымен, Шемонаиха ауданындағы Зевакино ауылында орналасқан қарттар мен мүгедектерге арналған интернат үйіне барып қайтты.

Қарттар үйінің тұрғындары мен әкімшілігі келген қонақтарды жылы қарсы алды. Осы жолы кітапхана интернат үйінің тұрғындарына 130 кітап пен журналдарды сыйға тартты.

Акция барысында волонтерлар күшімен шағын концерт ұйымдастырылып, көңілді әндер қарттармен бірге шырқалды.